Ұлытау облысының Кәсіпкерлер палатасында іскерлік келіссөздер жүргізу өнері бойынша оқыту өтті
Ұлытау облысының Кәсіпкерлер палатасында менторлық бағдарлама аясында кәсіпкерлерге арналған «Іскерлік әлемде келіссөздер жүргізу өнері» тақырыбында оқыту шарасы ұйымдастырылды.
Іс-шараның мақсаты — өңір кәсіпкерлеріне тиімді келіссөз жүргізу әдістерін үйрету, серіктестермен, инвесторлармен және клиенттермен өзара сенімді қарым-қатынас орнатуға көмектесу, сондай-ақ стратегиялық ойлау мен дәлелдеу қабілеттерін дамыту.
Тренинг интерактивті форматта өтті. Қатысушыларға табысты келіссөздердің негізгі аспектілері таныстырылды: дайындық кезеңі, тараптардың мүдделерін анықтау, эмоцияларды басқару, диалог жүргізу техникасы және «win-win» шешімдерге қол жеткізу әдістері.
— Ұлытау облысында менторлық бағдарлама қарқынды дамып келеді. Бұл бастама тәжірибелі сарапшылар мен жаңа бастаған кәсіпкерлерді біріктіріп, өңірдегі іскерлік ахуалды нығайтуға бағытталған, — деді ментор Орынкүл Сәдуақасова.
Іс-шара барысында нақты бизнес жағдайларға негізделген практикалық кейстерге ерекше назар аударылды. Кәсіпкерлер әріптестерінің қателіктері мен жетістіктерін талдап қана қоймай, алған білімдерін тәжірибеде қолдануға мүмкіндік алды.
— Кәсіпкерлер үшін келіссөздерді сауатты жүргізе білу — аса маңызды. Бүгінгі тренинг бізге ірі серіктестермен тиімді диалог орнату және өзара тиімді шарттарға қол жеткізу жолдарын жақсырақ түсінуге көмектесті. Мұндай іс-шаралар өңірдегі ШОБ-ты қолдау және дамыту бағдарламасы аясында тұрақты түрде өткізіледі, — деп бөлісті кәсіпкер әйелдер.
.jpeg)
.jpeg)
Пікір қалдыру:
Пікірлер: