Ұлытау облысында туризмді дамытуға арналған семинар өтті
Ұлытау облысы кәсіпкерлер палатасының қызметкерлері мен туризм саласында жұмыс істейтін кәсіпкерлер өңірлік туризмді дамытуға арналған семинарға қатысты.
Семинар облыстағы туризм саласының өзекті мәселелері мен даму проблемаларына арналды. Іс-шараға мемлекеттік органдардың өкілдері, салалық сарапшылар және бизнес өкілдері қатысты.
Кездесу барысында өңірдің туристік әлеуетінің өсуін тежеп отырған негізгі мәселелер атап өтілді. Атап айтқанда: заманауи инфрақұрылымның жетіспеушілігі, сервистік қызмет көрсету деңгейінің төмендігі, туристік бағыттар мен нысандардың ақпараттық кеңістікте жеткіліксіз насихатталуы. Қатысушылар туризмді дамытудың кешенді тәсілін қолданудың маңыздылығын атап өтті. Бұл ретте инвестиция тарту, мамандар даярлау және жергілікті кәсіпкерліктің белсенді қатысуы басты рөл атқаратынына назар аударылды.
.jpeg)
Сондай-ақ, қатысушылар туристік салаға инвестиция салуға дайын кәсіпкерлер үшін қолайлы жағдай жасау және мемлекеттік қолдау тетіктерінің өзектілігін ерекше атап өтті.
Талқылау барысында туристік саланы ынталандыру мақсатында мемлекет тарапынан бірқатар шығын түрлеріне субсидиялар қарастырылғаны айтылды. Атап айтқанда, шетелдік туристерді тартқан туроператорлардың шығындарын өтеу тетігі сәтті іске асырылып келеді. Бұдан бөлек, тау-шаңғы курорттарына арналған құрал-жабдық пен техника сатып алуға жұмсалған шығындарды өтеу, жол бойындағы сервис нысандарын салуға кеткен шығындарды өтеу, сондай-ақ санитарлық-гигиеналық тораптарды ұстауға арналған шығындарды субсидиялау жүйесі жұмыс істейді.
Семинар барысында экотуризмді, мәдени-тарихи бағыттарды дамыту, ішкі және сыртқы туризм үшін жаңа тартылыс нүктелерін құру бойынша ұсыныстар айтылды. Бұл мысалдар жеке сектормен серіктестік пен тиімді стратегия арқылы қысқа мерзімде елеулі нәтижелерге қол жеткізуге болатынын көрсетті.
Семинар пікір алмасу, бірлескен шешімдер қабылдау және барлық мүдделі тараптардың күш-жігерін біріктіру үшін тиімді алаңға айналды. Кәсіпкерлер палатасының өкілдері атап өткендей, мұндай іс-шаралар билік пен бизнес арасындағы диалогты нығайтуға, сондай-ақ Ұлытау облысында туризмнің тұрақты дамуына жаңа мүмкіндіктер ашуға ықпал етеді.
Кездесу соңында қатысушылар ынтымақтастықты жалғастыруға және өңірлік туризмді дамыту бойынша озық тәжірибелер мен заманауи сын-қатерлерді ескере отырып, нақты іс-қимыл жоспарын (жол картасын) әзірлеуге дайын екендіктерін білдірді.
Пікір қалдыру:
Пікірлер: