Ұлттық палата туристік маусымға байланысты шұғыл отырыс өткізді
«Атамекен» Ұлттық кәсіпкерлер палатасында мемлекеттік органдар, әуе тасымалдаушылары мен жергілікті атқарушы органдар өкілдерінің қатысуымен туристік маусымдағы өзекті мәселелер бойынша шұғыл жиын өтті.
ҚР ҰКП Басқарушы директоры – Туризм департаментінің директоры Дамиля Құнанованың айтуынша, бірқатар платформаларда билеттерді сату әлі де қолжетімді емес, ұшу кестесі де жоқ. Бұл әсіресе жаз маусымының санаулы күннен кейін басталатынын ескерсек өте алаңдататын жайт.
Негізгі проблемалардың бірі әуежайлардағы инфрақұрылымның жоқтығы болып отыр. Атап айтқанда, Үшарал мен Үржарда бұрын ұшақтарға жанармай құю мүмкіндігі болмаған. Азаматтық авиация Комитеті қажетті өзгерістер қазірдің өзінде енгізілгенін мәлімдеді, яғни, аэродром сертификаттары түзетілді, жанармай құюға шектеулер алынып тасталды, техникалық процедуралар сақталады.
Өз кезегінде биылғы жылғы байқауда жеңімпаз атанған SCAT әуекомпаниясы 28 мамыр сәрсенбіден бастап Алматы-Үржар және Астана-Үржар бағыттарында билеттерді толық сатуды, 1 маусымнан бастап күнделікті рейстерді жүзеге асыруға уәде берді. Дәл осындай кесте Алматы-Үшарал бағытында күтілуде.
«Балқаш» шипажайына қызмет көрсететін Қарағанды әуежайының келушілер залын қайта жөндеу жұмыстары енді ғана аяқталып, әуежай инфрақұрылымына қатысты ескертулер қарастырылуда. Дегенмен, әуе компанияларының алаңдаушылықтары әлі де бар және ұшырудың кешігу ықтималдығы жоғары. Жергілікті билік маусымның басталуына кедергі келтірмеу үшін әуе тасымалдаушысынан тексеруді тездетуді сұрап отыр.
Мәселенің маңыздылығын атап өткен Туризм және спорт Министрлігі Туризм индустриясы Комитетінің төрағасы Нұртас Кәріпбаевтың айтуынша, жергілікті әкімдіктерден барлық процедураларды жеделдетуге көмектесіп, оның орындалуын қатаң қадағалау қажет.
.jpeg)
«Бизнес пен туризм үшін былтырғы сценарийді қайталамау керек. Сондықтан біз бұл мәселені уәкілетті мемлекеттік органдардың алдына қойып отырмыз», - деді ҰКП Басқарма төрағасының орынбасары Тимур Нақыпбеков.
Отандық демалыс орындарымен тұрақты әуе қатынасының жоқтығы былтырғы сценарийдің қайталануы. 2024 жылы субсидияланатын рейстерге конкурс сәтсіз аяқталып, қазақстандықтар билеттерді жоғары бағаға сатып алуға немесе ішкі саяхаттан толық бас тартуға мәжбүр болды. Одан кейін жағдай Мемлекет басшысына дейін жетіп, тиісті ведомстволарды олқылықтарын қатаң сынаған болатын.
Бүгінде бірқатар ауысымдар мен ресми шектеулердің алынып тасталғанына қарамастан, туристік маусымның уақтылы басталуы қауіп төніп тұр. 1 маусымға дейін өңірлер курорттық маусымның жоспарлы түрде басталып, қазақстандықтардың ел ішінде қолжетімді демалуы үшін барлық жағдайды жасауы тиіс.
Пікір қалдыру:
Пікірлер: