Құрылыс саласында өзін-өзі реттеу қандай болуы керек?
Парламент Мәжілісінде қаралып жатқан Құрылыс кодексінің жобасында қарастырылған құрылыс саласындағы өзін-өзі реттеу (ӨРҰ) әдістерінің және инженерлік-техникалық жұмысшыларды (ИТЖ) аттестациялаудың тиімділігіне бизнес қауымдастығында сұрақтар бар.
Сондықтан «Атамекен» ҰКП салалық қауымдастықтармен бірлесе отырып, ұсынылған тетіктерді талқылап, ӨРҰ және ИТЖ енгізудің баламалы әдістерін әзірлеуге тырысты.
(1).jpg)
«Бүгінгі таңда ӨРҰ енгізу және ИТЖ персоналды аттестациялау бойынша уәкілетті орган ұсынған тетіктерде нақты тұжырымдама жоқ. Оларда қолданыстағы заңнамамен көптеген қайшылықтар бар, сонымен қатар, мемлекет қандай нақты мемлекеттік функцияларды бизнес құзыретіне беретіні туралы ақпарат жоқ», - деді «Сарапшылық ұйымдар палатасы» Ұлттық қауымдастығының Басқарма төрағасы Бірлік Ережепов.
Аталған кодекс жобасында мемлекеттік органдардың негізгі функцияларын бермей-ақ, ерікті ӨРҰ ұсынылады. Дегенмен, кездесуге қатысушылар әрбір облыс үшін жеке (құрылыс, жобалау, сараптама, инжинирингтік қызмет) міндетті Бірыңғай ӨРҰ институтын құру идеясын қолдады. Ұйым сала субъектілерінің нарыққа шығуына мүмкіндік беру тетіктерін әзірлеп қана қоймайды, сонымен қатар, өрескел бұзушылықтар үшін субъектілерді лицензиясынан айыруға дейінгі жауапкершілікті де тартады.
«Сондай-ақ, білімнің болуы (жоғары немесе орта арнаулы), жұмыс тәжірибесі (тәжірибесі бар түрі/кіші түрі) және т.б. сияқты түйіткілдерді ескеру керек. ӨРҰ ұсынатын тәуелсіз заңды тұлға (құрылыс жобасының барлық учаскелері бойынша білікті сарапшылары бар заңды және жеке тұлғалар) маманның аттестациясын ашық жүргізеді», - дейді «Қазақстан Республикалық Дизайнерлер одағы» өзін-өзі реттейтін ұйымы» төрағасының орынбасары Мюаш Бисарова атап өтті.
Қазақстанның Ұлттық жобалаушылар қауымдастығы ұсынған ИТЖ аттестациялаудың практикалық әдісі әрі қарай зерделеніп, қатысушылардың ұсыныстары Палатаға жолданатын болады.
«Атамекен ҰКП мәселенің маңыздылығын түсінеді және Бірыңғай ӨРҰ енгізуді және құрылыс секторындағы инженерлік-техникалық персоналды сертификаттауды қолдайды. Бұл ретте жүзеге асыру тетіктері мәселелерін шешу және сәулет, қала құрылысы және құрылыс қызметі саласындағы уәкілетті органнан жаңадан құрылған ӨРҰ-ға берілетін функцияларды анықтау қалады», - деп түсіндірді «Атамекен» ҰКП Құрылыс және жер қатынастары департаментінің Басқарушы директоры - директоры Данияр Молкенов.
Салалық субъектілермен келісілген ұстанымды әзірлегеннен кейін ҰКП Құрылыс кодексінің жобасын қарау бойынша Парламент Мәжілісіндегі Жұмыс тобының ағымдағы отырыстары аясында одан әрі пысықтауға дайын.
Айта кетейік, бұған дейін ҰКП, нарық қатысушылары мен мемлекеттік органдар құрылыс саласы мамандарын сертификаттау бойынша латвиялық тәжірибені зерттеген болатын. Тараптар олардың тәжірибесі Қазақстан үшін әбден қолайлы деп келісті.
Пікір қалдыру:
Пікірлер: